Orain arte ezer zintzilikatu ez badugu ez da izan lanik egin ez dugulako, bestela, begira zer egin duten LHko 1 ziklokoek...
Biodibertsitatea
izanda AG. 21-eko aurtengo gaia, biodibertsitatea eta munduko arrazak uztartu
nahi izan ditugu LHko 1. zikloan burutu dugun lantxo batean.
“ Mundu bat, hainbat
aurpegi ” lelopean hiru ekintza eraman ditugu aurrera. Lehenengoan 25
diapositiba ikusi dituzte 1. eta 2.
mailako ikasleek; diapositiba horietan beste hainbat herrialdetako
neska-mutilak ageri ziren; beren ezaugarri fisikoez, janzkeraz eta abarrez
aritu dira solasean.
Ondoren ikasleei,
bikoteka jarrita, argazki bat
eman zaie, beren ustetan bertan azaltzen zen neska-mutila munduko zein
zonaldekoa izan zitekeen galdetuz eta mundu-mapan kokatzeko esanez.
Eta bukatzeko
aspaldiko “ Munduko Familiak “ karta-jokoan aritu dira, amona bantua, alaba
mexikarra, aita arabiarra…
Laster izango dituzue beste mailatan egindakoen berri.